Бидний тухай

Бидний тухай:

"Хатансүйх Импэкс" ХХК нь 1996 онд байгуулагдсан нүүдэлчин Монгол түмний баялаг болсон малын махыг Европын уламжлалт технологитой хослуулан хэрэглэгчийн таалалд нийцүүлэн HASU нэрийн хиам, нөөшилсөн махан бүтээгдэхүүнүүд, бэлэн хоол, ясны өтгөрүүлсэн шөл үйлдвэрлэх чиглэлээр үйл ажиллагаагаа явуулж ирсэн.

Уриа: ЭРҮҮЛ ХҮНС, ЭРҮҮЛ АМЬДРАЛ

Эрхэм зорилго: Хэрэглэгчийн хүсэл ташаалд нийцсэн байгалийн цэвэр бүтээгдэхүүн үйлдвэрлэж, дотоод, гадаадын зах зээлд Монгол малын махны үнэт чанарыг гаргасан HASU брэнд бүтээгдэхүүнээрээ танигдан урт удаан хугацаанд үйл ажиллагаагаа явуулах бөгөөд HASU брендийн гол онцлог нь байгалийн гаралтай, генийн өөрчлөлтгүй хүнсний нэмэлт, жор орц ашиглахад технологийн бодлогоо чиглүүлэн ажилладаг .

Үйл ажиллагааны чилэл:

Бүх төрлийн хиам, хиаман бүтээгдэхүүн
Амталж шарсан болон утсан мах, махан бүтээгдэхүүн
Нөөшилсөн махан /консерв/ бүтээгдэхүүн
Боловсруулсан бэлэн хоол
Ясны өтгөрүүлсэн шөл
Дулааны аргаар боловсруулсан мах, махан бүтээгдэхүүн
Амталж хатаасан мах

Манай компани нь Үйлдвэрлэлийн үйл ажиллагааны явцад технологи тогтворжуулах, захиалагчийн шаардлага хангасан бүтээгдэхүүн үйлдвэрлэх зорилгоо хэрэгжүүлэх явцад үйлдвэрлэлээ өргөтгөх, шинэ технологи нэвтрүүлэх ажлуудыг хийж ирсэн. Бид бүхэн Европын томоохон тоног төхөөрөмж үйлдвэрлэгч болох BERTSCH-LASKA, SORGO, VEMAG, MAUTING нэрийн үйлдвэрүүдийн төхөөрөмжүүдтэй мөн БНХАУ, БНСУлсын төхөөрөмжүүдээр үйлдвэрлэлийн үйл ажиллагаагаа явуулж байна.

Үндсэн түүхий эд болох монгол орны бэлчээрийн малын махыг Австри улсын KAVO компаниас зөвхөн “Хатансүйх Импэкс”-ийн захиалга бүхий хиам зайдасны байгалийн гаралтай жор орцыг импортоор авч байна.

Түүхэн товчоо

1996 он Герман Улсын тоног төхөөрөмжийг үйлдвэрлэлдээ суурилуулж Хиам үйлдвэрлэлээ нэмэгдүүлж зах зээлд анхны хувийн хэвшлийн хиам, махан бүтээгдэхүүний үйлдвэрлэлийг байгуулсан.
2000 он Үйлдвэрлэлээ өргөтгөх, үйлчилгээний төв нээх зориулалтаар Сүхбаатар дүүргийн 6-р хороо бага тойруу 35 үйлчилгээний төвийн барилга худалдан авч “Сисси” зоогийн газар, нэрийн барааны дэлгүүрээ нээн ажиллуулж эхэлсэн.
2000 он Герман, Австри Улсуудад үйлдвэрлэгдсэн орчин үеийн хиам, консерв үйлдвэрлэх төхөөрөмж шинээр авч консервын үйлдвэрлэлээ эхлүүлсэн.
2001 он Консервын үйлдвэрлэлээ эхлүүлж ялтсан уутанд савласан нөөшилсөн бүтээгдэхүүнүүд үйлдвэрлэж эхэлсэн.
2002 он Монголын анхны нохойн хоол үйлдвэрлэж Япон улс руу экспортлов.
2003 он Анх удаа Калби, Хорхог, Ясны тос зэргийг Солонгос рүү экспортолсон гэх мэт олон амжилт бүтээлтэй компани юм.
2004 Нөөшилсөн бүтээгдэхүүн үйлдвэрлэлийн хүчин чадлаа нэмэгдүүлэн Герман, Солонгос, Австри улсуудад үйлдвэрлэгдсэн төхөөрөмжүүдээр шинэчлэн тоноглож ашиглалтад оруулснаар 3 л багтаамжтай лаазанд мах бүтээгдэхүүн(Калби), төрөл бүрийн шөл зэргийг үйлдвэрлэж эхэлсэн.
2005 он 4020 м2 талбай бүхий “Хиам, Консервын HASU” үйлдвэрийн цогцолборыг ашиглалтад оруулсан.
2008 он Халал аргаар бэлтгэгдсэн махыг хагас боловсруулан Иран улс руу хамгийн анх манай компани экспортлох ажлыг эхлүүлсэн.
2009 он БНСУ –ын компанитай хамтран Ясны өтгөрүүлсэн шөлний үйлдвэрийг ашиглалтад оруулсан.
2011 он Хонины ясны өтгөрүүлсэн шөлийг дотоодын зах зээлд гаргаж эхэлсэн.
2012 он Дулааны аргаар боловсруулсан бүтээгдэхүүн экспортлох МУ-ын мэргэжлийн хяналтаас олгодог “ААА” зэрэглэлийн итгэмжлэлийг авсан.
2014 он Үйлдвэрлэлдээ /НАССР/ Хүнсний үйлдвэрлэлийн аюултай цэгийн эрсдэлийг хянах тогтолцоог нэвтрүүлэх бэлтгэл ажил хийж эхэлсэн ба 400 тонн багтаамжтай хөргөлттэй агуулах, 15 машины дулаан граж зэргийг барьж хөрөнгө оруулалт хийсэн.
2015 он БНВьетнам Улсын мал, эмнэлэг хорио цээрийн албаны эрсдэлийн үнэлгээнд орж сайн үнэлгээ авч тус улсад хиам, нөөшилсөн махан бүтээгдэхүүнээ экспортлох эрх авсан.
2016 он БНХАУ-д дулааны аргаар боловсруулсан махан бүтээгдэхүүн экспортлох эрхийг авч 2016 оноос эхлэн дулааны аргаар боловсруулсан мах экспортолж байна.
2017 он Олон Улсын НАССР тогтолцоог хэрэгжүүлэх төслийг хэрэгжүүлж Герман Улсын Tuv Rheinland компаниар баталгаажуулсан.
2018 он Олон Улсын НАССР тогтолцоог хэрэгжүүлэх төслийг хэрэгжүүлж Герман Улсын Tuv Rheinland компаниар дахин баталгаажуулсан.
2018 он Чех Улсын DEVRO компанийн үхрийн ширнээс гарган авсан коллагент олгойгоор шууд иддэг анхны зайдас үйлдвэрлэлд нэвтрүүлсэн.
2019 он Олон Улсын чанарын удирдлагын тогтолцоо ISO22000:2005 хэрэгжүүлж, Герман Улсын Tuv Rheinland компаниар баталгаажуулаад байна.
2020 Олон Улсын чанарын удирдлагын тогтолцоо ISO22000:2018 хэрэгжүүлж, Герман Улсын Tuv Rheinland компаниар баталгаажуулаад байна.

Хүнсний аюулгүй байдлын чанарын бодлого

Хүнсний аюулгүй байдлын чанарын бодлого

Хүнсний аюулгүй байдлын хүрээнд Монгол Улс болон Олон улсад мөрдөгдөж буй хууль, дүрэм, стандартын дагуу чанарын удирдлагын тогтолцоог хангаж ажиллана,

Ажилтнуудын мэдлэг, ур чадварыг тасралтгүй хөгжүүлж, шинийг санаачлагч, бүтээлч хамт олныг төлөвшүүлэхийн зэрэгцээ эрүүл, аюулгүй орчинд ажиллах нөхцөлийг бүрдүүлнэ,

Стандартын дагуу үр ашигтай, дэвшилтэд техник, технологи ашиглан чанар аюулгүй байдлыг тасралтгүй сайжруулах замаар хэрэглэгчдэд аюулгүй бүтээгдэхүүн хүргэх,

Удирдлагын тогтолцооны хүрээнд өөрийн гинжин хэлхээнд оролцогч талуудад хүнсний аюулгүй байдлыг хангуулах замаар мэдлэгийг олгож, хамтдаа хөгжинө.

Хүнсний Аюулгүй Байдлын Олон Улсын Стандарт:

Бид чанарыг эрхэмлэж Хүнсний аюулгүй байдлын эгзэгтэй цэгийн хяналтын тогтолцоо /НАССР/ болон Хүнсний аюулгүй байдлын менежментийн тогтолцооны /ISO22000:2018/ стандартыг хэрэгжүүлэн Герман улсад төвтэй Олон улсын стандарт, баталгаажилт, аудитын байгууллагаар жил бүр эрсдэлийн үнэлгээ хийлгэн, баталгаажуулдаг.

Түүхий эд бэлтгэн нийлүүлэлтээс эхлэн, хүнс үйлдвэрлэх, тээвэрлэх, хадгалах, хэрэглэгчдэд хүрэх хүртэл бүх шат дамжлагад аудит хийж, Олон улсад мөрдөгдөж буй хүнсний аюулгүй байдлын шаардлагыг бүрэн хангасан, эрүүл цэвэр орчинд чанартай хүнсний бүтээгдэхүүн үйлдвэрлэн гадаад, дотоодын зах зээлд гаргадаг болохыг амжилттай баталгаажуулсан.

Хиам, махан бүтээгдэхүүний үйлдвэрлэл

Бид Европын уламжлалт технологийг HASU брендийн технологитой хослуулан монгол хүний таашаалд нийцсэн амт, чанартай олон нэр төрлийн чанамал, утлагат хиам болон махан бүтээгдэхүүн дотоодын зах зээлд нийлүүлэхийн зэрэгцээ экспортын зориулалтаар адууны махан бүтэн утлагат хиам, утсан махан бүтээгдэхүүнийг үйлдвэрлэж байна.

Нөөшилсөн махан бүтээгдэхүүний үйлдвэрлэл

Монгол нутгийн соргог бэлчээрт идээшилж өсч үржсэн үхэр, адуу хонь, ямааны махыг шинэлэг байдлаар нь хөнгөн цагаан ялтсан уут болон лаазанд нөөшилөн хэрэглэгчийн захиалгаар савлах хэмжээ, амтыг тохируулан үйлдвэрлэж дотоод, гадаадын зах зээлд нийлүүлж байна.

“ЭРХЭМ ЗООГ” болон “HASU” брендийн эдгээр бүтээгдэхүүнүүд нь ясны шөлөөр амталсан, экологийн цэвэр бүтээгдэхүүн тул зөвхөн Монголд төдийгүй дэлхийн зах зээлд эрэлт, захиалга ихтэй байдаг. HASU брэндийн нөөшилсөн махан бүтээгдэхүүнүүд нь хугацаа уртасгах, махыг орлуулах гэх мэт химийн нэмэлт бодис хэрэглээгүй цэвэр махаар хийгдсэн, эрүүл аюулгүй хүнс гэдгээрээ онцлогтой юм.

Ясны өтгөрүүлсөн шөлний үйлдвэрлэл

Тус компани нь малын махыг үйлдвэрлэлийн аргаар шулж үндсэн үйлдвэрлэл явуулахын зэрэгцээ ясыг боловсруулан малын ясанд агуулагдаж буй хүний биед хэрэгтэй эрдэс бодисуудыг агуулсан коллагенаар баялаг Үхэр, адуу, хонины 3 төрлийн ясны өтгөрүүлсэн шөлийг үйлдвэрлэдэг. Энэхүү бүтээгдэхүүн нь Солонгосын ардын уламжлалт технологид суурилан үйлдвэрлэлийн аргаар, халуун уураар чанаж цэвэршүүлэн дотоодын зах зээлд нийлүүлэхийн зэрэгцээ Солонгос улсад экспортлож байна .

Шагнал Өргөмжлөл

• 2002 онд олон улсын үзэсгэлэнгээс махан консервууд “Экспортын шилдэг бүтээгдэхүүн” алтан медаль

• 2002 онд “Улаанбаатар Түншлэл 2002” Олон улсын үзэсгэлэн яармагаас нөөшилсөн бүтээгдэхүүнээрээ “Экспортын шилдэг бүтээгдэхүүн” шагнал

• 2003 онд Эрхэм зоог, Ялтсан ууттай консервлосон бүтээгдэхүүнээр “Оны шилдэг бүтээгдэхүүн” алтан медаль

• 2004 онд Монголын Үндэсний Худалдаа Аж үйлдвэрийн дэргэдэх “SCI Mongolia” нийгэмлэг хар шөл бүтээгдэхүүнээрээ “Хүрэл зураасан код” өргөмжлөл

• 2004 онд Монгол улсын засгийн газар, МҮХАТ-ын хамтарсан шалгаруулалт “ТОП 100” аж ахуйн нэгж

• 2005 онд “Улсын чанарын аварга” хамт олон

• 2007 онд Монголын хүнсчдийн холбооны “Ард түмний хүнс” өргөмжлөл

• 2012, 2015 онд Мэргэжлийн хяналтын ерөнхий газрын экспортын “AAA” зэрэглэлийн итгэмжлэл.

• 2013 онд Ерөнхий сайдын ивээл доор үндэсний үйлдвэрлэгчдийг дэмжих зорилгоор зохион байгуулагдсан “Монголд үйлдвэрлэв” үзэсгэлэн, худалдаанд амжилттай оролцон Салбарын шилдгээр шалгарсан.

• 2013, 2014 онд Монгол улсын засгийн газар, МҮХАТ-ын хамтарсан шалгаруулалт “ТОП 150” аж ахуйн нэгж шагналуудаар тус тус шагнагдаж байсан.

• МХАҮТ-ын Green-Enterpruner шагналаар 2014, 2016 онуудад шагнуулав

• 2015 онд МУ-ын ЗГ, СХЗГ, МҮАҮТ-ын хамтарсан шагналыг “Үхрийн ясны өтгөрүүлсэн шөл”- Үндэсний чанарын шагнал хүртлээ

• 2017 онд Монголын хүнсчдийн холбооны удирдах зөвлөлөөс Нийслэлийн “Хүнсний манлай үйлдвэр” өргөмжлөлийг олгосон

• 2019 онд МҮХАҮТанхим, НЗДТГ-ийн хамтран зохион байгуулсан Улаанбаатар түншлэл-2019 үзэсгэлэн яармагт амжилттай оролцон Хонины ясны шөлөөрөө “Онцлох хүнсний шинэ бүтээгдэхүүн”-ээр шалгарсан